Сайн уу, намайг Галаа гэдэг

Математикч, Статистикч, R хэлний эксперт, Веб хөгжүүлэгч

Галаагийн тухай

Математикч, Статистикч, R хэлний эксперт, Веб хөгжүүлэгч

Намайг Ганболдын Махгал гэдэг. Найзууд маань Галаа гэж дууддаг бөгөөд цахим орчинд Галаа гэдэг нэрээрээ илүү танигдсан. Би www.JExtBOX.com веб сайтыг үүсгэн байгуулсан. Мөн статистикийн чиглэлийн хэдэн сайн ном бичиж хэвлүүлсэн. Би математикч, статистикч, багш, веб хөгжүүлэгч бас өрхийн тэргүүн бөгөөд бяцхан хүү болон охины аав юм.

Би 2009 оноос Монгол Улсын Их Сургуульд багшаар ажиллаж байна. Би статистикийн нарийн мэргэжлийн хичээлүүд заадаг бөгөөд статистикийн R хэлийг өндөр түвшинд эзэмшсэн. CRAN уруу R хэлний багц оруулж байсан бөгөөд одоо ч хариуцаж арчилсаар байна. Мөн 2011 оноос өөрийн дур сонирхлын дагуу веб хөгжүүлэлтийн чиглэлээр ажиллаж байгаа бөгөөд голчлон Joomla агуулга удирдах системийн нэмэлт өргөтгөл хөгжүүлдэг.

Миний хобби бол веб хөгжүүлэлт, програмчлал, фото зураг авах, уулын дугуй унах, шилдэг кино нэн ялангуяа хүүхэлдэйн кино цуглуулах, рок хөгжим сонсох юм. Би Linux, LaTeX болон R зэрэг нээлттэй эх бүхий үнэгүй програмуудад элэгтэй бөгөөд тэдгээрийг хэрэглэх талаар арвин их туршлагатай. Мөн нээлттэй эх бүхий програм хангамж болон үйлдлийн системийг өдөр тутам ашигладаг.

Ажил

Веб сайт

Би www.JExtBOX.com, www.UUDAG.com зэрэг хэдэн веб сайт хөгжүүлж байсан.

Joomla өргөтгөл

Миний хөгжүүлсэн Joomla өргөтгөлүүд JExtBOX.com веб сайт дээр байрлаж байна.

LaTeX класс болон загвар

  1. FinalExamZ шалгалтын материал бэлдэх класс
  2. Хичээлийн лекцийн үзүүлэн болон гарын авлагын Beamer дээр суурилсан загвар

Ном, сурах бичиг, гарын авлага

  1. Магадлал Статистикийн Удиртгал
  2. Статистик програмчлалын R хэл
  3. Олон хэмжээст өгөгдлийн статистик шинжилгээ - Онол, R програм дээрх хэрэглээ
  4. Статистик програмчлалын R хэл (нэмж сайжруулсан 2 дахь хэвлэлт)

Цахим ном, сурах бичиг, гарын авлага

  1. Python хэл цахим гарын авлага

R хэлний багц

  1. simukde: Simulation with Kernel Density Estimation
  2. NSO1212: National Statistical Office of Mongolia's Open Data API Handler for R

Мэргэжлийн үйлчилгээ

  1. Статистикийн R хэлний сургалт
  2. R хэлний багц хөгжүүлэлт
  3. Статистикийн мэргэжил арга зүйн зөвлөгөө